У нядзелю, 29 кастрычніка, у Кракаве — новая сустрэча Гістарычнага клуба.
Дата: 29 кастрычніка
Час: 14.00 (час мясцовы)
Месца: музей Подгужа, ul. Limanowskiego 51, Кракаў
Тэма — «Павятовыя соймікі ў сацыяльна-палітычным жыцці Вялікага княства Літоўскага (1697 — 1764 гг.)».
Як мы памятаем, парламентарызм у Беларусі мае глыбокія гістарычныя карані. Асобную цікавасць выклікаюць парламенцкія структуры ў рэгіенах ВКЛ, якімі былі павятовыя соймікі.
Якая была працэдура іх склікання і якім чынам арганізоўвалася дзейнасць?
Якімі пытаннямі займаліся соймікі і які ўплыў мелі на жыццё асобных паветаў і дзяржавы ў цэлым?
Прыходзьце даведацца!
Вядоўца — доктар гістарычных навук Андрэй Мацук.
Удзел — данат ад 15 злотых. І зарэгіструйцеся па спасылцы.
