У нядзелю, 23 красавіка, беларусы Кракава збіраюцца на сустрэчу Гістарычнага клуба.
Дата: 23 красавіка
Час: 13.00 (час мясцовы)
Месца: Muzeum Podgórza, ul. Limanowskiego 51, Кракаў
Гэтым разам тэма — «Рускія землі і рускае насельніцтва Вялікага Княства Літоўскага ў XIII — XVI ст.»
Калі наш сучаснік — жыхар Усходняй і Цэнтральнай Еўропы — чуе назвы «Русь», «рускі», яны адразу выклікаюць у яго асацыяцыі з Расіяй. Але ў гістарычным мінулым гэта было зусім не так.
Руссю называлі многія тэрыторыі сучаснай Украіны і Беларусі, а русінамі — іх жыхароў. У XIII — XVI ст. гэтыя абшары ўваходзілі ў склад Вялікага Княства Літоўскага.
Якія менавіта вобласці гэтай дзяржавы называлі Руссю?
Як назва «русін» суадносілася з іншымі этнічнымі назвамі, — напрыклад, з назвай «літвін»?
Якую ролю адыграла руская спадчына ў гісторыі Беларусі?
На тыя пытанні паспрабуе адказаць кандыдат гістарычных навук Васіль Варонін.
Удзел — данат ад 15 злотых.
І зарэгіструйцеся па спасылцы.
