У суботу, 23 сакавіка, філіял Веткаўскага музея кліча гукаць вясну!
Дата: 23 сакавіка
Час: 13.00
Месца: філіял Веткаўскага музея, пл. Леніна, 4а, Гомель
«Гуканне вясны» — архаічны абрад, звязаны з абуджэннем прыроды і заклікам вясны. Своеасаблівы пераход ад зімы да лета. Раней ад гэтага асабліва залежыў дабрабыт чалавека.
Гэтае абрадавае дзеянне павінна адзначацца весела, шумна: са спевамі, гульнямі, карагодамі, танцамі!
Значыцца, план такі:
паспяваеце традыцыйныя веснавыя песні;
паводзіце карагоды ды пагуляем у веснавыя гульні;
пасмакуеце печаных птушачак (абрадавае печыва);
і зладзіце шмат іншых цікавых абрадавых дзеянняў.
Дапаможа гукаць вясну фальклорны гурт «Стаўбунскія вячоркі» з вёскі Стаўбун Веткаўскага раёна.
За вясёлы музычны настрой паклапаціцца гарманіст Віктар Шыпкоў.
А каб вы не замерзлі, будуць частаваць вас гарбатай з самавара!
Прыходзьце гукаць вясну разам, каб усё расло і квітнела.
Уваход вольны!
