Наста Кудасава і выдавецтва «Камунікат» наведаюць Беласток, Вільню, Рыгу і Талін з прэзентацыямі новай кнігі «Лірыка». Гэты зборнік — сёмая паэтычная кніга аўтаркі і трэцяя з выдадзеных у эміграцыі. «Лірыка» і стане адным з галоўных пунктаў размовы.
Падчас сустрэчы паэтка раскажа:
— пра новы зборнік
— пра эмігранцкі боль і аптымізм
— чаму яе вершы важна чытаць уголас
— чым адрозніваецца вясна на радзіме ад вясны ў эміграцыі
Не абыдзецца таксама без згадкі пра гдыньскія пончыкі...
Расклад сустрэчаў:
23.04. чацвер / 18:00 / БеластокБеларускі Хаб «Новая зямля»
ul. Św. Rocha 5 lok. 32, Białystok
24.04. пятніца / 18:00 / Вільня
Віленскі беларускі музэй імя Івана Луцкевіча
Vilniaus g. 20, Vilnius
25.04. субота / 15:00 / Рыга
Дом Асацыяцыі нацыянальных культурных таварыстваў Латвіі
Slokas iela 37, Riga
26.04. нядзеля/ 14:00 / Талін
Pärnu mnt, 6, Tallinn
На кожнай прэзентацыі працавацьме кропка продажу кнігарні «Kamunikat.shop». Можна будзе набыць шэраг навінак ад Камуніката!
Наста Кудасава — адна з найвядомейшых паэтак беларускай сучаснай літаратуры. Спалучае вернасць класічнай форме з адважнай вобразнасцю і моватворчасцю. Аўтарка сямі паэтычных кніг: «Лісце маіх рук» (2006), «Рыбы» (2013), «Маё невымаўля» (2016), «Вясна. Вуснам цесна» (2021), «Я працягваю» (2023), «Побач» (2023), «Лірыка» (2026). Лаўрэатка прэміі «Кніга года — 2016», Літаратурнай прэміі Міхася Стральцова (2021), прэміяў «Гліняны Вялес» і імя Наталлі Арсенневай за кнігу «Побач».Сустрэчы ладзяцца ў межах праграмы ArtPower Belarus у сумесным праекце Міжнароднага Саюза беларускіх пісьменнікаў і кампаніі «Будзьма беларусамі».
Нарадзілася ў Рагачове, жыве ў Гдыні (Польшча).
