На самым пачатку новага года ў Гомелі адбудзецца новая дыскусія ад грамадскай культурніцкай кампаніі “Будзьма беларусамі!”. У цэнтры ўвагі – сам Гомель, а дакладней, як яго ўспрымаюць і самі гараджане, і госці “паўднёвай сталіцы”.
Якім бачаць і што ведаюць пра Гомель яго жыхары, наведнікі і тыя, хто яшчэ толькі збіраецца сюды завітаць? Якія слабыя і якія моцныя бакі мае Гомель для самавызначэння на сацыяльна-эканамічнай і культурнай мапе краіны? Ці абгрунтаваныя чуткі, што Гомель – “самы рускі беларускі горад”? Стыхійна ці асэнсавана фармуецца гарадская ідэнтычнасць сённяшняга Гомеля? Як можна ўплываць на гэты працэс, каб другі найбуйнейшы горад у краіне вабіў і затрымліваў у сабе людзей? – гэтым і падобным пытанням будзе прысвечана сустрэча з удзелам паважаных асоб Гомеля і “знешніх” экспертаў.
Ток-шоў адбудзецца 9 студзеня 2014 года ў канферэнц-залі гатэля “Замкавы”, вул. Гагарына, 6.
Пачатак: 18:00
Уваход вольны, па папярэдняй рэгістрацыі. Для даведак: (044) 749-41-66, Яўген Меркіс, каардынатар ГКК “Будзьма беларусамі!” па Гомельскім рэгіёне.
