Гродна. Выстава Франсуазы Юг’е “Камуналка”

Месяц фатаграфіі ў Мінску ў гэтым годзе пашыраецца і завітвае ў Гродна. Выстава французскага фатографа паказвае камунальныя кватэры Санкт-Пецярбурга.

Месца: Гродзенская выставачная зала, вул. Ажэшкі, 38

Час: вернісаж – 3 лістапада, 17.00, выстава будзе працаваць да 30.11, 10.00-19.00, акрамя панядзелку

Цана білета: Поўны білет ― 20 000, студэнты ― 15 000, школьнікі ― 10 000.

Уваход на вернісаж бясплатны

Гэты праект бярэ свой пачатак у 1991 годзе. У сувязі з сваёй працай у Сібіры я прыехала ў Санкт-Пецярбург, каб сустрэцца з этнолагамі. Я спынялася ў сваіх расійскіх сяброў, і некаторыя з іх жылі ў камунальных кватэрах. У 2001 годзе я захацела вярнуцца і распачаць гэты праект. Я вырашыла пажыць у адной з такіх кватэр, каб стаць бліжэй да яе насельнікаў, і зняла пакой. Аж да 2007 года кожныя два месяцы я вярталася ў камуналку.

Першыя дні ў камунальных кватэрах Санкт-Пецярбурга цалкам мяне збянтэжылі, і я зразумела, што каб дабрацца да сутнасці гэтага дзіўнага, закрытага асяроддзя, стаць для яго сваёй, мне спатрэбіцца пабываць там некалькі разоў.

На працягу некалькіх гадоў я фатаграфавала камунальную кватэру і паўсядзённае жыццё яе жыхароў — асабліва Наташы, дзякуючы якой вызначыўся рытм маіх наведванняў. Ускосна, і без майго ўсведамлення гэтага, яна стала галоўным звяном у маім апавяданні і ў маім жаданні быць і заставацца там. Яна ўяўляе сабой квінтэсенцыю гэтых камунальных светаў і магнетызму горада, якія непакоілі мяне столькі гадоў. Колькі разоў я была проста загіпнатызаваная гэтымі трывожнымі вобразамі святла і ценю?

Хто размаўляў са мной пра прывіды? Хто казаў мне, што ноччу ў Санкт-Пецярбургу вы можаце бачыць нябачнае і марыць пра невымоўнае?

Твой стыль