III купальскі фэст “Свята Сонца”

Трэці міжнародны фолк фестываль «Свята Сонца» ў 2018 годзе традыцыйна будзе прысвечаны святу КУПАЛЛЕ!

Фармат фестывалю аб’ядноўвае некалькі разнапланавых мерапрыемстваў у рамках агульнай канцэпцыі:

FireShow-фестываль, Open-air канцэрт на 2 сцэнічных пляцоўках, будуць працаваць этна пляцоўкі, рынак майстроў, інтэрактыўныя пляцоўкі, на працягу ўсяго фестывалю будуць праходзіць абрадавыя і забаўляльныя блокі.

Максімум увагі, як і раней, будзе надавацца ўзнаўленню традыцый і абрадаў нацыянальнай беларускай культуры і свята Купалле ў прыватнасці. Аднак, на фестывалі ў 2018 годзе, асаблівая ўвага будзе ўдзелена таксама і традыцыям, звязаным са святкаваннем дня летняга сонцастаяння і ў другіх народаў: Літвы, Фінляндыі, Вялікабрытаніі. Таксама, як і летась, вялікая ўвага будзе ўдзелена аднаму з галоўных сімвалаў свята – АГНЮ.

Пасля завяршэння асноўнай праграмы а 1.30 фестываль перамесціцца  на бераг ракі Пціч, дзе традыцыйна запалаюць самыя вялікія ў Беларусі купальскія вогнішчы, плынь ракі панясе купальскія вянкі, зноў будзе гучаць старажытня музыка, а ўсе жадаючыя змогуць скочыць праз ачышчальны купальсі агонь.

Асноўная ідэя, якая аб’ядноўвае ўсе фестывальныя блокі – старажытнае свята Купалле, прыўрочанае да дня летняга сонцастаяння, часу, калі дасягаюць найвышэйшага росквіту жыватворныя сілы зямлі. У абрадах гэтага свята цесна перапляліся старажытныя язычніцкія і больш познія хрысціянскія традыцыі. 
Спіс асноўных мерапрыемстваў і пляцовак open-air фестывалю «Свята Сонца 2017». 

• ФЕСТЫВАЛЬ АГНЮ – адно з самых відовішчных мерапрыемстваў купальскага фэсту «Свята Сонца 2018». У час якога сваё майстэрства прадэманструюць больш за 20 каманд, якія выступаюць у жанры «вогненнае шоу».
• Канцэртная пляцоўка, OPEN AIR канцэрт. Выступленне каманд folk/folk-rock/pagan і сумежных кірункаў.
• Горад майстроў – рамесніцкія майстэрні: кузні (майстар-класы, паходная кузня), ганчарная майстэрня, майстэрні музычных інструментаў, апрацоўкі каменя, збройная майстэрня, саломапляценне, абрадавая лялька, ткацтва, гарбарная майстэрня, ювелірная, манетны двор і г.д.
• Купальскі кірмаш: вырабы традыцыйных рамесніцкіх майстэрняў: каваныя вырабы і сярэдневяковыя ўпрыгожванні, посуд і ганчарныя вырабы, льняныя вырабы, традыцыйнае адзенне, сувеніры, рэквізіт для вогненнага шоу і г.д.
• Этна-пляцоўка: узнаўленне традыцыйных абрадаў святкавання Купалля, гадання, варажба, пляценне і пусканне вянкоў па вадзе, купальскія вогнішчы і г.д.
• Карчма: стравы традыцыйнай беларускай кухні, кулінарныя майстар-класы.
• Паласа перашкод у рамках купальскага квэсту «Папараць Кветка».
• «Вясковая пляцоўка» – выступленне танцавальных и музычных калектываў, вулічных тэатраў, факіраў, перфомансы на купальскую тэму, майстар-класы па традыцыйных танцах і г.д.
• Інтэрактыўныя пляцоўкі – больш за 20 лакацый і атракцыёнаў: лучны і арбалетны цір, сярэдневяковыя і народныя гульні, «гульні вікінгаў», шатландская пляцоўка «гульні горцаў», дзіцячая пляцоўка, пляцоўка «Героі: Батлгеймінг», настольныя гульні, скаладром, «archery battle», вяровачны гарадок і іншыя.
• Для ўдзельнікаў «Фестывалю агню» пройдуць майстар-класы, навучальныя семінары. 
  

Асноўны блок фестывалю «Свята Сонца» – FireShow-фестываль.    

У межах фестывалю агню выступяць больш за 20 калектываў, якія працуюць у жанры «вогненнае шоу»!

У праграме:

• Шоу лепшых вогненных тэатраў
• Выступленне сольных артыстаў у жанры вогненнага і піратэхнічнага шоу
• Выступленні каскадзёраў, акрабатаў і пластычных тэатраў
• Вогненныя і светлавыя эфекты, піратэхніка і неонавае шоу

OPEN–AIR Канцэрт фестывалю «СВЯТА СОНЦА». 

Асноўныя ўдзельнікі канцэртнай праграмы ў 2018:

VOLSKI 
IRDORATH
PAWA
FRAM
ReL1kt
ТРОЛЛЬ ГНЁТ ЕЛЬ
ЯВАРЫНА
КАЦЯРЫНА ВАДАНОСАВА i Fantasy Orchestra

Палаткавы лагер для гасцей фестывалю.

З 15 па 17 чэрвеня 2018 на тэрыторыі фестывалю будзе дзейнічаць палаткавы лагер для гасцей і ўдзельнікаў фестывалю. Можна будзе размясціцца ў палатках арганізатараў ці ўстанавіць уласную на тэрыторыі лагера.

Палаткавы лагер будзе абарудаваны ўсім неабходным: біятуалеты, вада, вываз смецця, пракат мангалаў, дроў і г.д. Непадалёку ад палаткавага лагера будзе працаваць фудкорт. За 15 метраў ад палаткавага лагера – паркоўка.

Дастаўка на фестываль.

Для зручнасці гледачоў будуць арганізаваны дадатковыя аўтобусныя рейсы па маршруце Мінск-Дудуткі-Мінск і бясплатны трансфер па маршруце  Рудзенск-Дудуткі-Рудзенск.

Пасля заканчэння канцэртнай часткі адбудзецца факельнае шэсце на бераг р. Пціч, дзе будуць запалены купальскія вогнішчы.