У сераду, 17 траўня, у Вільні адкрываецца караценькая імерсіўная выстава «ПОЙМА» — меморыўм па згубленай вёсцы, прысвечаны калектыўнай настальгіі, суму па аўтэнтычным доме і ўплыву вясковасці на ідэнтычнасць сучасных беларусаў і беларусак.
Дата: 17 траўня
Час: 17.00 (час мясцовы)
Месца: Žydų Kultūros Ir Informacijos Centras, Mėsinių g. 3A, Вільня
На выставе мастакі і мастачкі прапануюць убачыць вёску праз іх шчаслівыя і балючыя ўспаміны і разам парэфлексаваць наконт змяняльнай прыроды памяці.
Імерсіўны фармат азначае, што вы можаце дакранацца, спыняцца, класціся на падлогу і знаёміцца з наратывам выставы, не спяшаючыся.
А калі возьмеце з сабой слухаўкі, зможаце скарыстацца наратыўным аўдыягідам.
Выстава працуе ад 14.00 17 траўня да 15.00 19 траўня.
Але ж прыходзьце на адкрыццё а 17-й: будуць пачастункі і перфоманс!
