У чацвер, 20 чэрвеня, у Варшаве адбудзецца творчая гутарка з даследчыкам сталінскіх рэпрэсій Ігарам Станкевічам у межах праекта «Інтэрв’ю. Шчырасць».
Дата: 20 чэрвеня
Час: 18.00 (час мясцовы)
Месца: Witryna Domu Wschodniego, плошча Канстытуцыі, 6 (правае крыло), Варшава
Праект «Інтэрв’ю. Шчырасць» нарадзіўся ў Менску, у «Тэатры На Балконе». У тэатральную прастору запрашалі асобу і гледачоў. Асоба запрашала сваю госцю або госця.
І адбывалася гутарка. Шчырая. І з кожным і кожнай па-рознаму. Далей госці станавіліся асобамі і запрашалі сваіх гасцей.
Так узнікалі лініі — сваеасаблівыя радаводы.
Спікер гэтай сустрэчы Ігар Станкевіч ведае як спазнаваць гісторыю, задумвае і адчыняе інстытуты, адчувае патрэбу здзяйсняць і ажыццяўляе гэта ад сэрца, навучае людзей адшукваць свае карані і робіць гэта сам. Акрамя таго ... шмат чаго яшчэ. Аб усім гэтым і не толькі пагавораць шчыра.
«Я заўсёды адчуваў жывёльны страх перад дзяржавай. Дзесьці на падкорку сядзела ўедлівае перакананне, што людзі ў форме аднойчы прыйдуць і ўсё адбяруць. У лепшым выпадку маёмасць, у горшым — здароўе і жыццё. І мой страх ажыццявіўся. Гісторыя зрабіла віток і вярнулася ў часы Вялікага тэрору.
У маладосці я ніяк не мог патлумачыць прыроду сваіх падсвядомых перакананняў, бо ў рэальным жыцці з падобнымі рэчамі ніколі не сутыкаўся. Адказы пачалі прыходзіць, калі зацікавіўся ўласнай генеалогіяй. І сёння я ведаю карані свайго страху. У маім спісе рэпрэсаваных у сталінскія часы 30 сваякоў, 12 з іх расстраляныя. Праз лёсы продкаў і сваякоў я пачаў лепей разумець гісторыю сваёй краіны і сутнасць нялюдскай улады, што пануе на радзіме», — кажа спадар Ігар.
Госця госця — Таццяна Бародкіна, былая телевядоўца, вядоўца кулінарнага шоу
Вядоўца — Андрэй Саўчанка.
Уваход — free donation. Рэгіструйцеся па спасылцы.
