Анлайн-варкшоп «Жывая Беларусь — гэта мы і нашы дзеянні»

У аўторак, 23 чэрвеня, «Нацыя лідараў» запрашае на анлайн-варкшоп Дар’і Красоўскай «Жывая Беларусь — гэта мы і нашы дзеянні».

• Чаму іншым так складана зразумець, што такое быць беларускай/беларусам?

• Вы адчуваеце, што мы не падобныя да суседзяў, але не ведаеце, як патлумачыць гэта сваёй сяброўцы з Расеі ці суседу-паляку?

• Дзе знайсці веды, факты і ўпэўненасць распавядаць пра сябе і пра Беларусь спакойна і пераканаўча?

Прапануюць знайсці трывалыя гістарычныя арыенціры і навучыцца аргументавана абараняць сваю ідэнтычнасць.

Сустрэчу правядзе Дар’я Красоўская, выкладчыца гісторыі і грамадазнаўства з 10-гадовым досведам.

Разам са спадарыняй Дар’яй вы:

• пагаворыце пра тое, хто «мы» такія і што для нас сёння значыць быць беларусамі,

• пашукаеце гістарычныя аргументы і факты, якія дапамагаюць лепш разумець Беларусь,

• створыце ўласную «мапу Беларусі» праз асабістыя гісторыі і месцы сілы,

• убачыце, як вашы штодзённыя дзеянні становяцца часткай агульнай гісторыі і супольнай будучыні краіны.

Удзел вольны. Рэгіструйцеся па спасылцы.

Дата: 23 чэрвеня 

Час: 19:00 (час мінскі, гэта 18.00 па Варшаве і 19.00 па Вільні)