Гарачы канцэрт падчас самага цьмянага ды шэрага восеньскага месяца – самы верны спосаб сагрэцца і падрыхтавацца да марозу ды халадоў! Мы будзем радыя падзяліцца з вамі сваім імпэтам ды цяплом, а яшчэ прэзентуем новыя творы!
5 лістапада а 19-й гадзіне ў “Грай кафэ” адбудзецца сольны выступ яскравых прадстаўнікоў айчыннага арт- і фольк-року – Кацярыны Ваданосавай і яе непаўторнага гурта “Fantasy Orchestra”! Ці чулі вы, як крыштальны гук цымбалаў можа ўплятацца ў жорсткія гітарныя рыфы? Ці ведаеце вы, на якой мове могуць весці дыялог магутны бас і выкшталцоная скрыпка? А як альтовая флейта салюе ў вале гуку, які стварае класічны рокавы музычны склад?.. О, гэта варта пачуць! Нетрывіяльныя аранжыроўкі, глыбокія тэксты, прыгожая музыка – тут ёсць усё дзеля таго, каб кожны слухач адчуў сябе прадстаўніком інтэлектуальнай эліты. Паспрабуйце – гэта вельмі прыемнае адчуванне!..
Падчас канцэрту адбудзецца ажно дзьве прэм’еры: прагучыць новая песня (якая – пакуль сакрэт), і будзе прадэманстраваны дэбютны кліп гурта.
Kaciaryna Vadanosava & Fantasy Orchestra – гурт з даволі нетрадыцыйным складам інструментаў: барабаны, бас, электрагітара, цымбалы ды электраскрыпка. Сама Кацярына Ваданосава з’яўляецца ў ім вакалісткай, аўтарам песень, а таксама грае на духавых інструментах.
У сваіх гурт абапіраецца на традыцыі айчыннай народнай культуры, на еўрапейскую музыку эпохі Сярэднявечча, Рэнесанса ды Барока, а таксама на здабыткі музычнай культуры “залатога веку” рок-н-рола ды арт-рока, удала сумяшчаючы іх у кантэксце плыні, якую некаторыя акрэсліваюць як “менестрэль-рок”, альбо “фэнтэзі-рок”.
Кошт квіткоў – 5 р.
Замова квіткоў па тэлефоне: +375293637685
5 лістапада, 19.00, “Грай кафэ” (вул. Інтэрнацыянальная, 33).
