23 снежня ў Гомелі ладзяць калядную этнавечарыну «Хрыстос нарадзіўся на вашым двары...».
Дата: 23 снежня
Час: 16:00 (час мясцовы)
Месца: філіял Веткаўскага музея, плошча Леніна, 4а (у парку, за саборам Пятра і Паўла), Гомель
Што будзе?
Цвік каляднай вечарыны — батлейка «Цар Ірад», п’еса па адным з самых папулярных біблейскіх сюжэтаў беларускай батлейкі.
Калядаванне — усе ахвотныя ператворацца ў калядоўшчыкаў і будуць атрымліваць за спевы салодкія падаруначкі (добра загадзя падрыхтавацца і падвучыць парачку калядак)
Традыцыйныя танцы пад гармонік і застолле!
Па добрай традыцыі і каб увесь год быў шчаслівы — стол збіраецца ў складчыну!
Пажадана, каб кожны госць прынёс з сабой штосьці да святочнага стала. Прыносьце любыя смаколікі (і не толькі салодкія): яешню, пірагі, бліны, печаны гарбуз, мёд, бульбу, каўбасу, сала, сыр, закруткі, цукеркі, печыва, любыя іншыя вамі любімыя ласункі.
Колькасць месцаў абмежаваная — усяго 30!
Загадзя неабходна купіць білет ці забраніраваць месца. Набыць білеты можна ў самім філіяле. Калі няма мажлівасці прыйсці ў філіял — забраніраваць месцы ў прыватных паведамленнях ці па тэлефоне: +375(232)509698 (з 9:30 да 18:00).
Кошт удзелу — 7 рублёў (для дзяцей да 6 год бясплатна).
