Калядны канцэрт пад гуслі «Засьпявайма ўсе як адзін — дзень настаў Хрыстовых радзін!»
Пачатак: 26.12 (18:30)Канец: 26.12 (20:00)
![](/upload/resize_cache/iblock/acb/850_850_0/5o8on8igea4qxtg6y30zywn549u1ju92.jpg)
26 снежня адбудзецца атмасферны калядны канцэрт пад гуслі «Засьпявайма ўсе як адзін — дзень настаў Хрыстовых радзін!» з Алесем Чумаковым ды Таццянай Ячнай.
Дата: 26-га снежня.
Час: з 18.30 да 20.00 (час мясцовы).
Месца: вул. Кісялёва, 38, г. Мінск.
Удзел у канцэрце па запрашальніках за ахвяраванні.
Запіс праз гэтую гугл-форму.
Алесь Чумакоў — вядомы музыка-мультыінструменталіст, удзельнік легендарнага гурту Стары Ольса, які шмат год займаецца вырабам і папулярызацыяй гусляў. Іх дуэт з Тацьцянай Ячнай утварыўся 3 гады таму акурат на Каляды. А 2 гады таму яны выдалі альбом еўрапейскіх калядных спеваў пад гуслі ў перакладах на беларускую мову «Вясёлых калядных святаў ад Дубліна да Дрысвятаў!», у які ўвайшлі найвядомейшыя прыгожыя Калядныя песні (Christmas Carols) па-беларуску ды пад беларускія гуслі.
Гуслі — наш старадаўні і неверагодна мілагучны інструмент! Толькі паслухайце, як гучаць калядныя песні пад гуслі!
Чараўніцтва еўрапейскіх калядных і навагодніх спеваў натхняла беларускіх паэтаў ва ўсе часы! Без беларускіх перакладаў калядак «Ціхая ноч» і «Звон звініць» (Jingle Bells) ўжо немагчыма ўявіць сабе гэтыя святочныя дні. Ці ведалі вы, што навагоднія песні з замежных моваў перакладаў яшчэ Янка Купала? А ў абноўленай праграме дуэту яшчэ больш калядных спеваў па-беларуску!
Каляды — час цудаў, спадзяванняў, чакання радасці і святла. Час дарыць і атрымліваць падарункі! Час ствараць святочную чароўную атмасферу для сваіх блізкіх, для сяброў і для сябе!
Далучайцеся!