8 студзеня пасля працяглых гастроляў у ЗША і Еўропе гурт “Стары Ольса” прэзентуе новы альбом “Medieval Classic Rock” для гарадзенскай публікі!
Гурту “Стары Ольса” 17 год. Доўгае і адданне служэнне гістарычнай музыцы, шмат доследаў, пошукаў і вывучэння традыцый. 10 паўнавартасных альбомаў. І вось раптам прапанова аднаго з тэлешоў выканаць баладу “One” Metallica. Потым 2 мільёны праглядаў у YouTube. Новыя прапановы і новыя шоў. Лісты з усяго свету з просьбамі выканаць на старых інструментах іншыя легенды рока. Выбар твораў праз галасаванне ў інтэрнэце. Кантракт з амерыканскай студыяй і выхад альбома “Medieval Classic Rock” з прэзентацыяй у Сан-Францыска.
Удзельнікі “Старога Ольсы” не ўспрымаюць гэтыя падзеі як адыход ад традыцыі, як здраду сярэднявеччу. Вялізны тур па ЗША з выступамі на знакамітых рэнесансных фестывалях. А таксама ўжо ідзе праца над новым альбомам застольных рыцарскіх спеваў.
Тым не менш, альбом “Medieval Classic Rock” знакавы. Гэта новае жыццё старых мелодый, пераствораных на незвычайных інструментах, што няўмольна прыводзіць да ўзнікнення новых эмоцый і новай “старой” энергетыкі.
“Medieval Classic Rock” – унікальнае гучанне сусветна вядомых твораў, сярэднявечны дух класічных мелодый рока.
Пасля паспяховых прэзентацый у Мінску і Гомелі вашай увазе канцэрт у Гародні!
8 СТУДЗЕНЯ, Цэнтр культуры (Гродна, вул. Дзяржынскага, 1)
ПАЧАТАК: 19:00
КВІТКІ: касы Цэнтра культуры (Дзяржынскага, 1)
КОШТ: папярэдне 10-13 р, у дзень канцэрта 15 р
Даведкі: (033) 321-35-70, (0152) 74-17-78
Падзея ў сацыяльных сетках: ВКонтакте, Facebook