21 верасня ў Малой зале імя Р. Шырмы Белдзяржфілармоніі адбудзецца канцэрт пад назвай “Музыка Маладой Польшчы“. У гэты вечар публіка зможа не толькі пачуць музычныя творы выдатных польскіх кампазітараў руху “Маладая Польшча”, але і пазнаёміцца з творчасцю мастакоў гэтага перыяду і натхніцца пранікнёнымі паэтычнымі радкамі тых часоў.
“Маладая Польшча” – асаблівы і значны перыяд развіцця польскай культуры на мяжы ХІХ-ХХ стст., асноўнай ідэяй якога стала развіццё самабытнага нацыянальнага мастацтва. Рух ахапіў ўсе галіны мастацтва: жывапіс, тэатр, музыку і літаратуру.
Мечыслаў Карловіч, Апалінар Шэлюта, Караль Шыманоўскі, Людамір Ружыцкі, Эміль Млынарскі, Зыгмунт Наскоўскі… Вядомыя і невядомыя… Асаблівыя і непаўторныя… Творы гэтых таленавітых аўтараў прагучаць у новай канцэртнай праграме ансамбля салістаў “Класік-авангард” 21 верасня ў Малой зале Беларускай дзяржаўнай філармоніі.
Інфармацыя пра квіткі: http://www.philharmonic.by/by/
