7 сакавіка (чацвер) 2019 года а 18-й гадзіне запрашаем наведаць Нацыянальны мастацкі музей Рэспублікі Беларусь. Менавіта тут напярэдадні свята пройдзе канцэртная праграма «Ethno Fantasia II» фолк-спявачкі, кампазітара, піяністкі, выкладчыка, этнамузыколага Ірэны Катвіцкай.
Ірэна Катвіцкая нарадзілася ў Беларусі (Мінск), дзе атрымала прафесійную музычную адукацыю ад музычнай школы да аспірантуры Акадэміі навук як этнамузыколаг і этна-спявачка. З 1999 года ў этнаграфічных экспедыцыях па Беларусі збірае фальклор, выдае навуковыя працы, выкладае студэнтам і школьнікам. З 2006 года – Ірэна аўтар і лідэр праектаў «Ethno-NHS», «Akana-NHS»; вакал і аранжыроўка праектаў «Kazalpin» Беларусь-Швейцарыя; аранжыроўка і вакал праекта «Diagilew Project & Akana-NHS» (Беларусь-Германія), «Князь Мышкін», «Apple Tea» (Беларусь). Вакалістка гурта WARSOBA, кампазітар і салістка ў сумесным праекце з Дзяржаўным камерным хорам Рэспублікі Беларусь «Этна-фантазія».
Аўтар метадычных праграм для музычных каледжаў і каледжаў мастацтваў, праграмы для музычных школ і школ мастацтваў; аўтар навуковых публікацый, аўтар методыкі для працы з дзецьмі з абмежаванымі магчымасцямі «Фолк-тэрапія» (у 2018 годзе праграма атрымала Грант як значны сацыяльны праект ад урада Швейцарыі).
Уладальнік дыплома ад Еўрасаюза за ўклад у развіццё памежнага рэгіёна Беларусь-Польшча і падзякі ад Міністэрства Культуры РБ за адраджэнне і захаванне традыцый.
Кошт уваходнага білета 10 руб.
Ажыццяўляецца папярэдні продаж білетаў у касе музея.
Даведачную інфармацыю можна атрымаць па тэлефонах
(017) 327-71-63, (029) 342-66-30.
