2 траўня, у суботу, у Варшаве адбудзецца клубны сход беларускага андэграўнду K6 Gig.
Музыкі, паэты, людзі вакол K6 Live Show і проста тыя, хто адчувае сябе блізкім да гэтай сцэны. Тыя, хто робіць музыку. Тыя, хто яе слухае. Тыя, хто жыве гэтым вайбам.
Гэтым разам будзе дзве сцэны:
На першай сцэне выступяць гурты з беларускага андэграўнду і спецыяльны госць вечара.
Другая — сцэна для вуснага слова: паэзія, вуснае слова і крыху выступаў у стылі бардаў.
Удзел бяруць:
Kovelskie Psy
Marazm Arkadia — сольны праект музыкі Рамана Бярозкіна
Applepicker — сольны праект музыкі Мікіты Арлова
Lös — сольны праект вакаліста, мультыінструменталіста і аўтара песень Стаса Ламакіна
Кшталт Слова — беларускі андэграўндны паэтычны калектыў у выгнанні
DIMAPROSTOYOG — паэт
Кандраць — аб’ектна-арыентаваны эка-авангардны-поп / пост-дарквэйв
Квіткі коштам 45 злотых бярыце па спасылцы. На ўваходзе будзе 60 злотых.