Літаратурны музей Максіма Багдановіча распачынае шэраг сумесных мерапрыемстваў з Беларускай дзяржаўнай філармоніяй і запрашае вас на канцэрт ансамбля салістаў «Класік-Авангард» (мастацкі кіраўнік — Людміла Каліноўская).
Дата: 26 студзеня
Час: 19.00
Месца: вул. М.Багдановіча, 7а, Мінск
Прагучаць вядомыя музычныя кампазіцыі: дуэт Ф. Хофмайстэра, уверцюра Э. Шпіса, дывертысмент В. А. Моцарта, саната Э. Ізаі, музыка з балета «Рамэа i Джульета» С. Пракоф’ева, накцюрн Л. Жадэна, інтэрмецца А. Цфасмана.
Неабмежаваная жанрава-стылістычная палітра рэпертуара, няспынныя творчыя пошукі, высокі ўзровень выканальніцкага майстэрства — асноўныя характарыстыкі ансамбля «Класік-Авангард». Яго складаюць Юрый Каліноўскі (скрыпка), Вікторыя Янушкевіч (флейта), Кірыл Целяпнёў (кларнет), Раман Чырык (валторна), Максім Забара (фагот), Канстанцін Дарашэнка (альт), Андрэй Іваноў (фартэпіяна).
Уваходны квіток — 10 рублёў.
