14 траўня Беларускі Моладзевы Хаб у Варшаве ладзіць наступную гістарычную сустрэчу за кубачкам кавы і кліча ў госці Валера Кабрынца, нумізмата і навуковага супрацоўніка Музея беларускага Палесся. Тэма сустрэчы — беларускія грошы.
Дата: 14 траўня
Час: 15.00 (час мясцовы)
Месца: Беларускі Моладзевы Хаб, plac Konstytucji, 6, Варшава
Калі паглядзець на мапу знаходак манет і скарбаў, то складаецца ўражанне, што Беларусь — гэта краіна скарбаў. У складзе гэтых знаходак мы можам сустрэць манеты розных еўрапейскіх і азіяцкіх дзяржаў.
Склад грашовага абарачэння на беларускіх землях неаднаразова змяняўся. На яго прыкладзе можна прасачыць важныя падзеі з нашай гісторыі. Многія пісьмовыя крыніцы захавалі нам гісторыі, якія раскрываюць некаторыя моманты паўсядзённага жыцця нашых продкаў, звязаныя з грашыма.
Пра тое і пагаворым за кубачкам кавы.
