6 жніўня беларуская экалагічная арганізацыя «Экадом» запрашае беларусаў Тбілісі паглядзець культавы фільм «На наступны дзень» пра лёсы людзей і цывілізацыі да і пасля фатальных хвілін ядзернай вайны.
Дата: 6 жніўня
Час: 15.00 (час мясцовы)
Месца: 500 м ад плошчы Свабода (адрас дашлюць усім зарэгістраваным), Тбілісі
На канале National Geographic фільм апісалі як адну са значных падзей 80-х гадоў. Тагачасны прэзідэнт ЗША Рональд Рэйган, паглядзеўшы фільм, напісаў у сваім дзённіку, што фільм змяніў яго меркаванне аб палітыцы ядзернай вайны.
Сёння, калі ў сувязі з вайной ва Украіне пагрозы прымянення ядзернай зброі сталі гучаць часцей, «Экадом» задаецца пытаннем: ці разумеем мы, што такое ядзерная зброя?
Прыходзьце на прагляд культавай стужкі, каб падзяліцца сваім меркаваннем.
Удзел вольны, але колькасць месцаў абмежавана, таму рэгіструйцеся па спасылцы.
