Мастацкі ў рамках выставачнага праекта «Ёсць дзівосны край...» запрашае на кінасустрэчу «Дантэ. Беатрычэ»
Пачатак: 04.11 (19:00)Канец: 04.11 (19:00)
Нацыянальны мастацкі музей
Нацыянальны мастацкі музей Рэспублікі Беларусь у рамках выставачнага праекта «Ёсць дзівосны край...» запрашае на кінасустрэчу «Дантэ. Беатрычэ».
Дата: 4-га лістапада.
Час: 19.00.
Месца: Нацыянальны мастацкі музей Рэспублікі Беларусь, вул. Леніна, 20, г. Мінск.
Наведванне мерапрыемства — па папярэднім запісе:
+375 17 397 01 63, колькасць месцаў абмежаваная.
Кошт квітка на кінасустрэчу — 10 руб.
Сёння, у час 700-годдзя смерці Дантэ, мы маем нямала інфармацыі пра гэтага выбітнага італьянскага паэта, мысліцеля і багаслова.
Анімацыйны фільм «Дантэ. Беатрычэ» зняты па ранняй аўтабіяграфічнай аповесці Дантэ «Новае жыццё». Вядомая і адначасова невядомая гісторыя кахання. Усяго тры сустрэчы ў жыцці і неўміручасць на вякі.
Падчас кінавечара ў гасцей будзе магчымасць сустрэцца з аўтарам сцэнарыя, рэжысёрам і аніматарам Ірынай Кадзюковай і пагаварыць не толькі пра Дантэ, але і пра Беатрычэ — дзяўчыну з характарам. Бо ў нейкай меры «Боская камедыя» з’явілася на свет дзякуючы і таму, што хлопчык па імі Дурантэ Аліг’еры пазнаёміўся з дзяўчынкай, якая жыла па суседстве...
Гледачоў чакае гісторыя маладога закаханага Дантэ, знаёмства з Джота і іх вясёлымі сябрамі, з выдатнымі фларэнтыйкамі і самой Фларэнцыяй.
Аўтар сцэнарыя, рэжысёр і аніматар — Ірына Кадзюкова, лаўрэат многіх кінафестываляў, дацэнт Еўрапейскага гуманітарнага ўніверсітэта. Мастак-пастаноўшчык — Ала Мацюшэўская. Музыка — Віктара Капыцько і Эльміры Галеевай. Гукааператар — Сяргей Чупраў. Агучыў Дантэ — паэт Дзмітрый Строцаў.
Прыходзьце — паглядзім фільм, абмяркуем, убачым працоўныя матэрыялы — і Дантэ стане бліжэй!
