Кірмаш праектаў для Мінскага рэгіёна: першая прэзентацыя праектаў
07.12.2017
18:30 - 18:30
Культурніцкая прастора “Тартак” (вул. Магілёўская, 2, корпус 2, 4-ы паверх, ст. м. “Інстытут культуры”)
Уваход вольны
Жодзіна , Маладзечна, Узда, Смалявічы – гэтыя і іншыя гарады і мястэчкі Міншчыны прадставяць свае крэатыўныя ідэі падчас публічных прэзентацый Кірмаша праектаў.
У лістападзе кампанія “Будзьма Беларусамі!” і Цэнтр даследавання грамадскага кіравання СІМПА абвясцілі Кірмаш праектаў для Мінскага рэгіёна. Збор паспяхова завершаны, і ў кошыку Кірмаша ёсць цэлых 13 цікавых задумаў. Кожная з іх вартая увагі і абмеркавання і таму гэтым разам прэзентацыя праектаў праводзіцца ў два этапы. 7 снежня ў Мінску адбудзецца першая публічная прэзентацыя Кірмаша праектаў для Міншчыны.
Падчас прэзентацыі аўтары прадставяць свае ідэі шырокай публіцы, атрымаюць парады экспертаў і народную ацэнку, сустрэнуцца з зацікаўленымі людзьмі.Пасля экспертная рада цягам тыдня адбярэ найбольш цікавыя ідэі і дапаможа ў іх рэалізацыі.
Запрашаюцца ўсе ахвочыя, зацікаўленыя ў жыцці рэгіёна, дасведчаныя ў рэалізацыі сваіх ідэй, каб разам абмеркаваць і прагаласаваць за ўпадабаныя і важныя задумы.
Калі Вы мяркуеце, што жыццё ў вашым рэгіёне недастаткова цікавае;
калі Вы маеце жаданне змяніць альбо разнастаіць яго;
калі Вы хочаце пазнаёміцца з аднадумцамі – актыўнымі, цікавымі і дасведчанымі патрыётамі сваіх гарадоў,
не прапусціце магчымасць падтрымаць аўтараў і выказаць сваю зацікаўленасць у жыцці рэгіёна!
Прыходзьце 7 снежня на прэзентацыю культурніцкіх ідэй “Кірмаш праектаў” !
Культурніцкая прастора “Тартак” ( Мінск, вул. Магілёўская, 2, корпус 2, 4-ы паверх, ст. м. “Інстытут культуры”)
Пачатак у 18:30.
Уваход вольны!
Даведкі: (29) 712–18–03, www.budzma.by
Сачыце за “Кірмашом праектаў” у сацыяльных сетках Вконтакте і Facebook
