6 і 7 ліпеня ў вас ёсць магчымасць адключыцца ад нервовай рэчаіснасці і паблукаць між зорак пад музыку сімфанічнага аркестра ў мінскім планетарыі.
Дата: 6 і 7 ліпеня
Час: 19.00
Месца: планетарый, вул. Фрунзэ, 2, Мінск
Салісты акадэмічнага сімфанічнага аркестра граюць для вас у суправаджэнні паўнакупальных касмічных праекцый. 6 ліпеня будзе музыка Манчыні, Гершвіна, Шуберта, Баха, Моцарта, у выкананні Сяргея Германа (скрыпка), Зарыны Сіцынскай (скрыпка), Алесі Алесюк (альт), Алесі Парошынай (віяланчэль).
7 ліпеня для вас грае брас-квінтэт у складзе Кірыла Дарогі (труба), Уладзіслава Няміра (труба), Алега Іванчына (валторна), Данілы Еўдушчанка (трамбон), Аляксандра Вітко (туба).
Набыць квіткі яшчэ можна па спасылцы або ў касе Планетарыя. Але спяшайцеся! Колькасць месцаў абмежавана (100 месцаў у зале).
Тэлефон для даведак: +375 (17) 2943364.
