Музычны Дом «Класiка», Дзяржаўны камерны аркестр Беларусi, Пасольства Польшчы ў Беларусi i Польскi Iнстытут 29 чэрвеня прадстаўляюць канцэрт-падзею ў вялікай залі Белдзяржфілармоніі з удзелам легенды сусвестнага джаза – польскім пiяністам Лешакам МОЖДЖЭРАМ i лаўрэатам мiжнародных конкурсаў – беларускiм пiяністам-вiртуозам Кiрылам КЕДУКОМ.
Салiсты Польшчы і Беларусі разам з аркестрам выканаюць творы беларускiх i польскiх кампазiтараў. У праграме канцэрта: А. Лiтвiноўскi – Consort Lessons, Ф. Шапэн – Канцэрт для фартэпiяна з аркестрам №1 (ор.11), Л. Можджэр – Джазавыя iмправiзацыi сола i з аркестрам, В. Лютаслаўскi – Варыяцыi на тэму Паганiнi (фартэпiянны дуэт).
Лешак МОЖДЖЭР
Музыказнаўца Д.Пёнткоўскі пісаў пра джазмэна Лешака: “Лешак Можджэр ажыццявіў у польскім джазе ментальную і стылістычную рэвалюцыю… Непаўторныя джазавыя фразы і складаныя імправізацыі, мелодыку стандартаў і вытанчанасць кампазіцыі джазмэн апрануў у строй спецыфічнага джаза, які стаў пульсуючым экспрэсіяй “Джазам Лешэка Можджэра””.
Лешак МОЖДЖЭР – адна з самых яркіх з’яваў польскай джазавай музыкі апошніх дзесяцігоддзяў. Сусветнай славы піяніст, адважны эксперыментатар і арыгінальны творца, якога адрознівае ўласная музычная мова.
Багатая дыскаграфія Л. Можджэра налічвае больш за сто альбомаў з запісамі як сваіх ўласных праектаў, так і рэалізаваных сумесна з выдатнымі музыкамі. Піяніст супрацоўнічае з сусветнымі знакамітасцямі – Дэвідам Гілмарам, Нанай Васконселос, Маркусам Мілерам, Джонам Скофілдам, Джо Лаванам, Танам Дунам, Пэтам Мэціні, Адамам Маковічам (Makowicz vs Możdżer: At The Carnegie Hall 2004). Альбом “Impressions On Chopin” (1999 г.) стаў канонам сярод запісаў, натхнёных творчасцю геніяльнага польскага кампазітара. З вядомым польскім кампазітарам Янам Качмарэкам Лешэк Можджэр рэалізаваў запіс узнагароджанага Оскарам саўндтрэка да фільму “Finding Neverland” (“Чароўная краіна”, 2004г.), а таксама сумесны альбом “Kaczmarek by Możdżer”.
Найбольш поўна піяніст раскрыўся ў сольных праектах “Piano” (2004), “Komeda” (2011) і ў аўтарскім трыа з Ларсам Дэніэльсанам i Зохарам Фрэска. Альбом “Time” запісаны ў 2005 годзе атрымаў статус алмазнага дыска, а чарговыя альбомы трыа – “Between Us And The Light” (2006), “Live” (2007), “Polska” (2013) дасягнулі статуса падвойнага плацінавага дыска.
Лешэк Можджэр з’яўляецца арганізатарам буйных джазавых фестваляў у Польшчы – “ENTER MUSIC FESTIVAL” і “ДЖАЗ НА ОДЭРЫ”.
У 2012 годзе ён першы з палякаў стаў старшынёй журы аднаго з найбольш прэстыжных джазавых форумаў у свеце – Міжнароднага конкурсу джазавых піяністаў “Montreux Jazz Piano Competition” у Швейцарыі, арганізаванага пад патранажам Куінсі Джонса (Quincy Jonesa).
Кiрыл КЕДУК
Піяніст Джон О’Конор кажа пра яго, як пра аднаго з самых цiкавых маладых пiяністаў сучаснасцi, а дырыжор Томас Зандерлінг лiчыць яго выбiтным выканаўцам з велiчэзным патэнцыялам для грандыёзнай мiжнароднай кар’еры.
Кiрыл КЕДУК рэгулярна выступае на самых знакамiтых канцэртных пляцоўках свету, сярод якix – Steinway Hall у Нью-Йорку, Зальцбургскi Моцартэўм, Вялiкая заля Маскоўскай кансерваторыi, Заля Каралевы Елiзаветы ў Антвэрпэне, Канцэртная заля Марыiнскага тэатра ў Пецярбургу, Заля Вэрдзi ў Мiлане, Bridgewater Hall у Манчэсцеры, Тэатр Гарыбальдзi ў Палерма, у Маскоўскiм мiжнародным Доме музыкi i Hamarikyu Asahi Hall у Токiа.
Кірыл родам з Гродна, пачаў займацца музыкай у 6 год, а ў 10 ужо ўпершыню выступiў з Сiмафанiчным аркестрам. Навучаўся ў Петра Палечнага ў Музычным Унiверсiтэце ў Варшаве, у Барыса Петрушанскага ў Мiжнароднай Фартэпiяннай Акадэмii Incontri col Maestro (г. Iмала, Iталiя), а таксама скончыў аспiрантуру ў класе Грэма Скотта ў Каралеўскiм Паўночным каледжы музыкi ў Манчэсцеры. Кiрыл з’яўляецца лаўрэатам шматлiкiх фартэпіянных мiжнародныx конкурсау, у тым лiку конкурса iмя Уладзiмiра Горавiца у Кiеве, конкурса iмя Артура Рубінштейна ў Польшчы i iмя Джэймса Моттрама ў Манчэсцеры. У красавiку 2013 года пiянiст запiсаў свой дэбютны альбом пад назвай My Polish Diary з сусвестна вядомым лэйблам Delos, якi ў сваю чаргу атрымаў высокую адзнаку сярод крытыкаў па ўсiм свеце.
Заказ квiткоў: 284-44-33 або на сайце philharmonic.by.
