У суботу, 22 чэрвеня, суполка «Пагоня» і Беларускае танцавальнае таварыства ў Празе сардэчна запрашаюць беларусаў Чэхіі адсвяткаваць Купалле!
Дата: 22 чэрвеня
Час: з 19.00 (час мясцовы)
Месца: сажалка Hořejší rybník, Hloubětín, Прага
Праграма святкавання:
19:00 — 20:00 — збор кветак ды пляценне вянкоў, нарыхтоўка дроў для вогнішча;
20:00 — 21:00 — беларускія народныя гульні і танцы;
ад 21:30 — распальванне купальскага вогнішча, спевы ў карагодзе, гульні і вольныя забавы.
З сабой можна прынесці посцілкі для камфортнага сядзення на траве, намёты для сустрэчы світання, кветкі для пляцення вянкоў — іх можна пазбіраць па дарозе ад прыпынку каля чыгункі (на месцы святкавання кветак амаль не расце!).
Таксама раяць карыстацца рэпелентамі супраць кляшчоў.
Тым, хто паедзе на машыне, можна будзе прыпаркавацца ў самым канцы вул. Mezitraťová, за чыгункай.
З грамадскага транспарту лепш за ўсё дабірацца трамваем № 7 ці 8 (начны 92) — прыпынак U Elektry — знаходзіцца прыкладна ў 10 хв. пешшу ад сажалкі.
Далучайцеся!
