У суботу, 22 чэрвеня, Англа-беларускае таварыства і Беларуская бібліятэка і музей імя Францішка Скарыны запрашаюць на святкаванне Купалля.
Дата: 22 чэрвеня
Час: з 16:00 да 21:00 (час мясцовы)
Месца: сад Скарынаўскай бібліятэкі, 37-39, Holden Road, Лондан
У праграме — традыцыйнае пляценне вянкоў, упрыгожванне купальскага кола, спевы і скокі праз вогнішча.
Пасля 19.00 пойдуць да ручая Доліс у парку, да якога можна дабрацца па сцежцы ўнізе Холдэн-Роўд і павярнуць направа за мостам праз раку, — там будуць пускаць па вадзе вяночкі з 20:00 да 21:00.
Калі ласка, апранайце беларускія нацыянальныя строі, бярыце з сабою добры настрой, пачастунак і напоі (акрамя моцных алкагольных).
З удзячнасцю прымаюцца кветкі для пляцення вянкоў.
Уваход — прапанаванае мінімальнае ахвяраванне: для сяброў АБТ — 7 фунтаў, для іншых наведвальнікаў — 10 фунтаў.
