Кушлянскі фэст 2021
Пачатак: 28.08 (12:00)Музей-сядзіба Францішка Багушэвіча «Кушляны»
Мясціны, звязаныя з жыццём знакамітых дзеячоў беларускай культуры, зрабіліся сапраўднымі месцамі моцы, у якіх збіраецца энергія людзей самых розных творчых накірункаў. Не выключэнне і сядзіба Францішка Багушэвіча, аўтара знакамітых кніг «Дудка беларуская» і «Смык беларускі».
28 жніўня 2021 г., у апошнія выходныя лета, Дзяржаўны музей гісторыі беларускай літаратуры запрашае на чарговы «Кушлянскі фэст», які ладзіцца ў гонар вялікага Песняра, аднаго з пачынальнікаў беларускай літаратуры.
Гасцей свята чакаюць: канцэрт-лекцыя майстра народных інструментаў Алеся Лася пад назвай «Ад дуды да раяля», цікавая музычная праграма (гурты «Явар» і «Мярэжа»), разнастайныя майстар-класы, вырабы смаргонскіх умельцаў, сучасная паэзія. Для маленькіх аматараў мастацтва будзе арганізаваны пленэр, на якім найлепшыя мінскія выкладчыкі будуць працаваць з юнымі творцамі. Будуць пляцоўкі аквагрыма, народныя забавы, пачастункі з зёлкавай гарбатай ад сядзібы «Дайнаўскі двор» і падарункі.
Марапрыемства ладзіцца сумесна са Смаргонскім раённым выканаўчым камітэтам.
Час правядзення: 12.00 — 16.00.
Адрас: в. Кушляны (Смаргонскі раён, Гродзенская вобласць) Музей-сядзіба Францішка Багушэвіча «Кушляны».
Кошт: 7 рублёў, сям’я ад 3 чалавек — 10 рублёў, пры онлайн-замове — зніжкі.
Дзеці да 16 гадоў — бясплатна.
Для жадаючых будзе арганізаваны даезд на аўтобусе з г. Мінска: 15 рублёў (уваходны квіток уключаны ў кошт).
Набыць квіткі са зніжкамі можна онлайн па спасылцы тут
Тэлефоны для сувязі: 8-015-929-81-69 (Кушляны), 8-017-363-07-61 (Мінск)
