ПАДЗЕЯ ДНЯ: Лекцыя Аляксандры Валодзінай «Сярэднявечныя ерасі ў хрысціянстве» ў Мінску
27.02.2024
18:30 - 20:00
(вул. Кісялёва, 38)
17 рублёў
У аўторак, 27 лютага, гісторык Аляксандра Валодзіна распачынае ў лекторыі «Фрэскі» цыкл лекцый «Сярэднявечныя ерасі ў Хрысціянстве».
Дата: 27 лютага
Час: 18.30
Месца: вул. Кісялёва, 38 (1 паверх), Мінск
Лекцыя першая - «Сярэднявечныя ерасі да інквізіцыі: экстравагантныя вучоныя, нарцысы, чэрці і падступныя жанчыны як найжахлівейшыя ворагі палахлівых манахаў».
Для чалавека ХХІ стагоддзя слова «ерэтык» не нясе вялікай сэнсавай нагрузкі. А вось у Сярэднявеччы гэта была найвышэйшая абраза і крымінальнае абвінавачанне.
Назваць каго-небудзь ерэтыком перад царкоўным судом магло прывесці чалавека да поўнай страты ім сацыяльнага становішча, пажыццёвага турэмнага зняволення, а можа нават і да спалення жыўцом.
На першай лекцыі, якая распачне цыкл, прысвечаны сярэднявечным рэлігійным дысідэнцкім рухам — ерасям — пагавораць пра значэнне тэрміну «ерась» у тым выглядзе, як яго разумелі людзі таго часу, а таксама пра заходнееўрапейскія ерасі ў ХІ-ХІІ стагоддзях.
Вас чакаюць не толькі і не столькі сухія тэрміны і рэлігійныя дыскусіі, колькі захапляльныя гісторыі:
Селянін Леўтард, у якога праз «патаемныя часткі чела» ўвайшоў пчаліны рой і падгаварыў яго да паўстання супраць Царквы;
Жанчына -варажбітка ў суправаджэнні зграі чорных чарцей;
Першыя веганы, якія адмовіліся забіць курыцу і былі адпраўленыя за гэта на вогнішча самім імператарам;
Юрлівы манах, які хацеў спакусіць прыгажуню, а выкрыў цэлую ерэтычную секту цнатліўцаў — і многія іншыя!
Вы зразумееце, хто такі сярэднявечны «іншы», як сярэднявечная норма разыходзілася з нашай, і навучыцеся, як распазнаваць ворага аўтараў у сярэднявечным тэксце.
Лектарка — Аляксандра Валодзіна, кандыдатка гістарычных навук, спецыялістка па гісторыі сярэднявечных ерасей.
Кошт —
17 рублёў. Месцаў абмежавана, таму запісвайцеся па
спасылцы.
