У аўторак, 25 чэрвеня, у Варшаве адбудзецца лекцыя «Беларускі этнаграфічны фільм (1930-1980-я гг.) і ўплыў на нацыянальную ідэнтычнасць беларусаў».
Дата: 25 чэрвеня
Час: 18.00 (час мясцовы)
Месца: Witryna Domu Wschodniego, плошча Канстытуцыі, 6 (правае крыло), Варшава
Прадстаўленне этнічнай культуры Беларусі адыгрывала важную ролю ў савецкай унутранай культурнай палітыцы.
Пасля вайны склалася спецыфічнае экраннае аблічча беларускай нацыянальнай культуры як пераважна народнай і адначасова савецкай.
Гэта адбівалася на змесце і форме тагачасных беларускіх кіначасопісаў і неігравых фільмаў.
На гэтым фоне цікава прааналізаваць беларускі этнаграфічны фільм савецкага часу: будучы далёкім ад формаў «афіцыйнага» народнага мастацтва, ён займае ўнікальнае месца ў шэрагу практык фіксацыі і рэпрэзентацыі жывой традыцыйнай культуры.
Этнаграфічны фільм стварыў той матэрыял, які ў далейшым мог выкарыстоўвацца для рэалізацыі розных стратэгій фармавання беларускай нацыянальнай ідэнтычнасці.
Уваход вольны.
