У нядзелю, 11 снежня, у Мастацкім музеі — файная лекцыя «Кагнітыўнае генератыўнае мастацтва» ў межах праекта «Навука мастацтва і мастацтва навукі».
Дата: 11 снежня
Час: 14.00 (час мясцовы)
Месца: галоўны корпус Мастацкага музея, вул. Леніна, 20, Мінск
Вас чакае знаёмства з абстрактным лічбавым мастацтвам, якое мае дачыненне да ўяўленняў аб прыгажосці і сіметрыі ў навуцы і прыродзе, аб формах прыгожага, іх узаемасувязі з космасам і першародным творчым хаосам.
Вы даведаецеся аб магчымасцях прымянення лічбавага навуковага мастацтва ў эстэтычным і філасофскім пазнанні;
убачыце розныя арт-аб’екты, што дазваляюць раскрыць прыроду прыгажосці ў якасці касмічнай з’явы;
разгледзіце унікальныя сіметрычныя структуры, якія ўзнікаюць у выніку матэматычных разлікаў і становяцца такімі ж непаўторнымі з’явамі, як і стан душы чалавека.
Лекцыю чытае Андрэй Калеснікаў, загадчык аддзела філасофіі інфармацыйных і кагнітыўных працэсаў Інстытута філасофіі НАН Беларусі.
Уваход — па квітку ў галоўны корпус музея. Папярэдняй рэгістрацыі няма.
