У суботу, 11 сакавіка, у музеі Якуба Коласа — лекцыя-канцэрт музыкі, мастака, этнаінструментолага, майстра па вырабе музычных інструментаў Алеся Лася «Ад дуды да раяля».
Дата: 11 сакавіка
Час: 16.00 (час мясцовы)
Месца: музей Якуба Коласа, вул. Акадэмічная, 5, Мінск
Алесь Лось — уладальнік адзінага ў Беларусі «жывога» музея народных музычных інструментаў, што знаходзіцца на аграсядзібе «Хутар Дудара».
Частка інструментаў у музеі была прывезена з этнаграфічных экспедыцый і рэстаўраваная, частка — зробленая па ўзорах аўтэнтычных з музеяў і архіваў (дуда, жалейка, ліра, гудок). Усе яны граюць — менавіта таму музей можна назваць «жывым».
Падчас лекцыі вы даведаецеся пра гісторыю музычных інструментаў ды пачуеце музыку, якую на іх гралі.
Квіткі — 15 рублёў. Замовіць можна па нумары (017) 270 17 02.
