9 красавіка ў мінскім планетарыі адбудзецца лекцыя, прымеркаваная да Дня касманаўтыкі. Гаворка пойдзе пра малавядомых першапраходцаў космасу — жывёл, выкарыстаных у касмічных місіях, і іх лёс.
Дата: 9 красавіка
Час: 20.00
Месца: планетарый, вул. Фрунзэ, 2 (парк Горкага), Мінск
Асаблівая ўвага будзе звернута да легендарнага палёта сабакі Лайкі, якая 65 гадоў таму стала першай жывёлінай, выведзенай на арбіту Зямлі.
Жывёлы першымі зведалі на сабе нябачаныя хуткасці і перагрузкі, уздзеянне радыяцыі і бязважкасці. Пра многіх з гэтых заваёўнікаў космасу ўжо не памятаюць ці не надаюць асаблівага значэння іх дасягненням.
Лектарка — Алеся Кавальская, папулярызатарка касманаўтыкі і інжынер-тэхнолаг ААТ «Пеленг».
Кошт квітка — 3,50 рублёў.
