У суботу, 22 красавіка, у Мастацкім музеі — файная інтэрактыўная лекцыя «Мастацтва як тэрапія».
Дата: 22 красавіка
Час: 14.00
Месца: Мастацкі музей, вул. Леніна, 20, Мінск
Што такое арт-тэрапія — прыемнае баўленне часу ці ўсё ж тэрапеўтычны метад? Павінен быць мастак крыху вар’ятам і ці заўсёды за вар’яцтвам стаіць творчае выяўленне асобы? Якія ўмовы патрэбны, каб творчасць нас вылечвала, а не зводзіла з розуму? Калі заканчваецца арт-тэрапія і пачынаецца творчасць?
Прыходзьце абмеркаваць.
Лектарка — Дзіна Панятоўская-Замышляева, арт-тэрапеўтка, сямейная псіхалагіня.
Уваход — па квітку ў галоўны корпус музея. І рэгістрацыі не патрэбна — проста прыходзьце.
