Лекцыя «Невядомая драматургія: аблічча беларускай класікі» ў Мінску
27.06.2024
18:00 - 20:00
Цэнтр беларускай драматургіі (Крапоткіна, 44)
Бясплатнае
У чацвер, 27 чэрвеня, Цэнтр беларускай драматургіі запрашае на лекцыю «Невядомая драматургія: аблічча беларускай класікі».
Дата: 27 чэрвеня
Час: 18.00
Месца: Цэнтр беларускай драматургіі (у будынку РТБД), Крапоткіна, 44, Мінск
Ян Баршчэўскі, Якуб Колас, Іван Шамякін, Уладзімір Караткевіч — усе яны спрабавалі сябе ў драматургіі. Малавядомыя п’есы знакамітых літаратараў дапамогуць нам адкрыць новыя грані іх творчай і чалавечай індывідуальнасці, а таксама больш раскажуць пра гістарычны кантэкст, у якім жылі творцы.
Многія п’есы ўвасабляліся на сцэнах вядучых тэатраў БССР. Спектаклі часта станавіліся рэзананснымі.
Але чаму пра гэтыя тэксты так рэдка гавораць у кантэксце сучаснага тэатральнага мастацтва Беларусі?
Як драматургічныя творы адрозніваюцца ад празаічных і паэтычных тэкстаў аўтараў?
Ці разглядаліся ўп’есах тыя тэмы, якія класікі паднімалі ўіншых, больш знакамітых сваіх творах?
Альбо праз драматургію літаратары раскрывалі другі бок сваёй творчай асобы?
Пра ўсё даведаецеся.
Лектарка — Яўгенія Бачыла, рэдактарка ЦБД, тэатразнаўца.
