У нядзелю, 3 сакавіка, у філіяле Веткаўскага музея паўтараюць лекцыю «Турава-Мазырскі строй: „лельчыцкія“ аспекты».
Дата: 3 сакавіка
Час: 12.00
Месца: філіял Веткаўскага музея, пл. Леніна, 4а, Гомель
Паспрабуем разам зразумець жыццё, звычаі і абрады палешука, яго душу і тое, у што ён апранаў гэтую душу.
Турава-Мазырскі строй складаны ў сваім гістарычным і этнічным разуменні.
Флёру таямнічасці гэтай тэматыцы дадае і тэрыторыя размяшчэння — самае сэрца Убарцкага Палесся (Лельчыцкі раён).
Разгледзім, як на працягу 20 стагоддзя строй мяняўся і ў той жа час захоўваў самыя архаічныя рысы адзення і свае сімвалічна-магічнае прызначэнне.
На лекцыі будзе шмат ілюстрацыйнага матэрыялу, магчымасць паглядзець і нават памацаць традыцыйныя рэчы.
Абавязкова апранеце сучасную паляшучку ў традыцыйны строй з кашуляй, андараком, фартухом, кабатам і наміткай!
А яшчэ пап’еце гарбаты з палескім «багном» і паспяваеце палескія песні з глыбокім сэнсам і гукам!
Лектары — аўтэнтычны убарцкі паляшук Пятро Цалка і загадчыца навукова-фондавага аддзела Гомельскага палацава-паркавага ансамбля Таццяна Зыгмантовіч.
Просяць запісацца загадзя па тэлефоне +375(232)509698 (з 9:30 да 18:00).
Уваход — 4 рублі.
