Літаратурна-музычнае мерапрыемства “Мой Багдановіч”

21.01.2021 19:00 - 20:00 Дзяржаўны музей гісторыі беларускай літаратуры (вул. М. Багдановіча, 13) 8 руб.

21 студзеня 2021 года ў 19.00 Дзяржаўны музей гісторыі беларускай літаратуры запрашае на літаратурна-музычнае мерапрыемства “Мой Багдановіч”, падрыхтаванае сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

У 2021 годзе спаўняецца 130-год з дня нараджэння класіка беларускай літаратуры Максіма Багдановіча, які, пражыўшы ўсяго 25 гадоў, пакінуў нам багатую паэтычную спадчыну. У сваёй кнізе эсэ “Мой трыглаў” літаратуразнаўца Вячаслаў Рагойша ў адзін рад заснавальнікаў сучаснай беларускай літаратуры поруч з Янкам Купалам і Якубам Коласам ставіць імя Максіма Багдановіча.

Сёння творы М. Багдановіча набываюць новае, надзвычай актуальнае гучанне. У выкананні ўладальніцы медаля Францыска Скарыны, майстра мастацкага слова Зінаіды Феакціставай-Каладзяжнай і спецыяльнага прызёра фестывалю “Неўскія купалы”, аўтара і выканаўцы Алены Маслоўскай прагучаць творы Максіма Багдановіча, а таксама паэтычныя і музычныя рэфлексіі Максіма Танка, Уладзіміра Караткевіча, Алега Лойкі, Яўгена Глебава, Ігара Паліводы, Уладзіміра Мулявіна. Падчас мерапрыемства артысты выканаюць жанравыя беларускія народныя песні (матуліны песні).

Дата правядзення: 21.01.2021 г.

Кошт уваходнай платы: 8,00 руб.

Білеты можна набыць у касе музея.

Дзе: Дзяржаўны музей гісторыі беларускай літаратуры

        (г. Мінск, вул. М. Багдановіча, 13)

Тэл. для даведак і заказ квіткоў: (017) 395-44-47; +375(44) 707-10-76 (А1)


Вам можа быць цікава

Выстава Сяргея Арышчанкі і Алены Ліпінскай «Зрух» у Мінску

17.04.2025 19:00 - 18.05.2025 19:00 галерэя ДК (вул. Герцэна, 2а)

Ноч музеяў з Максімам Багдановічам у Мінску

17.05.2025 (16:00 - 23:30) музей Максіма Багдановіча (вул. Багдановіча, 7а)

Света Бень у Берліне

18.05.2025 (20:00 - 22:00) PANDA platforma (Knaackstraße 97)

tochka K у Варшаве

22.05.2025 (20:30 - 22:00) галерэя «Septem of Swords» у бары «Карма» (Aleja 3 Maja 5)

Апошняе
на Budzma.org

чытаць яшчэ