Літаратурны музей Максіма Багдановіча запрашае на выставу «КП — 2021»

У красавіку 2021 года адзначыў 40-гадовы юбілей Літаратурны музей Максіма Багдановіча, а неўзабаве, 9 снежня, уся краіна будзе адзначаць 130-годдзе з дня нараджэння самога Максіма Багдановіча. У межах святкавання ў музеі паэта адкрыта часовая экспазіцыя «КП — 2021». На выставе будуць прадстаўлены прадметы, якімі папоўнілася фондавая калекцыя за гэты юбілейны год.

Дата: да 21-га снежня.

Час: з 10.00 да 19.00, выходны — панядзелак.

Месца: Літаратурны музей Максіма Багдановіча, вул. Багдановіча, 7а, г. Мінск.

Кошт: 2 руб. — дарослыя, 1 руб. — навучэнцы, студэнты.

Пошукавая кампанія па выяўленню матэрыялаў, звязаных з жыццём і творчасцю Максіма Багдановіча і яго акружэння, вялася і самімі супрацоўнікамі, і аматарамі творчасці паэта. 

Наведвальнікі часовай экспазіцыі «КП — 2021» змогуць аднымі з першых убачыць адметныя экспанаты, якіх яшчэ год назад не было ў фондавай калекцыі. 

Сярод скарбаў — паштоўкі пачатку ХХ ст., фатаздымкі з першай экскурсіі па музейнай экспазіцыі, часопіс «Научное обозрение» за 1894 г., дзе ўпершыню былі надрукаваныя раздзелы з этнаграфічнага нарыса А. Я. Багдановіча «Пережитки в миросозерцании белорусов», часопіс «Сатирикон» за 1912 г. з вершам М. Багдановіча «Городская любовь».