Праект Beat Café. Live падкаст Максіма Жбанкова «Менск, горад мінус. Хронікі стыхійнага урбаніста».
Вечаровае радыё ручной зборкі. Аўтарскія тэксты пад нефарматны плэйліст. Мысленне ўголас напалам з любімай музыкай аўтара.
Калі ты гарадскі, гэта пра цябе. Калі не – тым больш. Бо горад пачынае рабіць цябе задоўга да таго, як ты здолееш яго падправіць. Гарадское – правілы чужога, логіка любові і нянавісці, серыял з жыцця бетону, асфальту і разумных стварэнняў з абмежаваным тэрмінам прыдатнасці. Аўтар звядзе рахункі з роднай сталіцай і растлумачыць, як тут жыць.
Кавярня “Ўтопія 60” вул. Леніна, 9. Пачатак а 19.00. Уваход вольны.
