Амбасада Францыі ў Рэспубліцы Беларусь
запрашае на лекцыю Мары Жыль, французскай пісьменніцы і філосафа
“Ралан Барт: тэкст і жыццё”
Галерэя сучаснага мастацтва “Ў” (праспект Незалежнасці 37А)
субота, 31 кастрычніка 2015, 18:00
“Сваімі тэарытычнымі працамі Барт накрэсліў магчымасць чытаць жыццё “як тэкст”. У гэтым пастулаце – выток яго ўласнага пісьма. Але “пісаць жыццё” не ёсць чымсьці само сабой зразумелым, гэта немажліва ў прынцыпе: дык як жа прымірыць гэтыя дзве разнастайныя сутнасці, фактычную і тэкстуальную? Хіба любое пісьмо не ёсць усмярчэннем, фіксацыяй, якая супярэчыць жыццю? Аднак ёсць жанр, які ўвасабляе гэтае памкненне ў самой сваёй назве: біяграфія. Гэты жанр найбольш вольны, найбольш шчыры, паколькі ў процілегласць ад агульнапрынятай думкі, ён не мае акрэсленнай формы. Выкарыстоўваючы ў якасці асновы тэзіс Барта аб жыцці як тэксце, я намагаюся развіць яго, у тэарэтычным і творчым плане, у кірунку “біяграфічнага пісьма”. Гэтае цверджанне, выказанае Бартам у 70-ыя годы, стасуецца з усімі яго развагамі аб азначным: тое што выклікае ў яго зацікаўленне, як ён кажа аб гэтым у “Імперыі знакаў”, “гэта магчымасць адрознення, перавароту ва ўласнай галіне сімвалічных сістэм”. Аднак канфрантацыя з “Іншым”, увасобленным у тэксце (але не тоесным да свайго тварэння), для біёграфа ёсць выдатным досведам адрознення ў сімвалічных сістэмах. У досведзе біяграфічнага пісьма некаторага жыцця-тэкста парадаксальным чынам выяўляецца адзін з рэдкіх крытычных спосабаў падступіцца да думкі Барта і да яго пісьма, пазбягаючы ріфаў пераймання”.
Уваход – вольны
Галерэя “Ў” выказвае ўдзячнасць Кнігарні ЛогвінаЎ за дапамогу ў падрыхтоўцы тэкста.
