Гістарычны вэбінар «Мадэрная гісторыя. Міжваенная БССР»

18 лютага даследчыца Ірына Раманава, аўтарка кнігі «Кляйменне Чырвонага Дракона», ладзіць вэбінар «Мадэрная гісторыя. Міжваенная БССР».

Дата: 18 лютага

Час: 18.00 (час кіеўскі)

Месца: ZOOM

Маштабнае абмеркаванне праекта Канстытуцыі 1936 г. і Усесаюзны перапіс насельніцтва, верагодна, абверглі чаканні Сталіна аб тым, што сацыялізм у СССР у значнай ступені створаны. У першай палове 1937 г. улады спрабавалі знайсці кампраміс з сялянамі, каб перацягнуць іх на бок улады.

Аднак ужо да сярэдзіны 1937 г. былыя зняволеныя і іншыя «падазроныя элементы», якія атрымалі правы па новай Канстытуцыі, па загаду НКУС № 00447 былі аднесены да катэгорыі насельніцтва, якая падлягае рэпрэсіям, а кіруючыя кадры раёнаў паўсталі перад дэманстратыўнымі судамі.

Падставай для першага з іх стала процідзеянне жыхароў двух сельсаветаў Лепельскага раёна БССР савецкай уладзе. Іх назвалі «маўклівымі краснадраконаўцамі».

Пра гэты гістарычны кейс і яго абставіны і пойдзе гаворка на вэбінары.

Працоўныя мовы вэбінару: беларуская, украінская, польская.

Заяўку на ўдзел дасылайце на электронную пошту istorychnywebinar@gmail.com, пазначыўшы ў тэме ліста: «IP».

Або далучайцеся да зум-вэбінару па спасылцы (Passcode: 588229)