Магілёў. Дранiк-fest

Дранікі – галоўная страва беларускай кухні. Аб беларускіх драніках ведаюць далёка за межамі нашай краіны, а ў самой рэспубліцы складана знайсці чалавека, які быў бы раўнадушны да смаку традыцыйнай бульбяной прысмакі. Таму нават дзіўна, што дагэтуль не праводзілася маштабных святаў, прысвечаных дранікам. Выправіць сітуацыю ўзяліся аматары дранікаў з Магілёва.

У суботу 18 кастрычніка ў Магілёве пройдзе першы Дранiк-fest. Месцам правядзення мерапрыемства абраны этнаграфічны комплекс “Зялёны гай”. Працягнецца фестываль з 12.00 да 16.00.

Зразумела, ўдзельнікі змогуць паспрабаваць смачныя дранікі, але гэта не адзіная забава на свяце. Дранiк-fest – гэта ўнікальная магчымасць акунуцца ў нацыянальную беларускую культуру з яе песнямі, танцамі і, вядома ж, кулінарнымі традыцыямі. Госці фестывалю змогуць убачыць працу кухароў-прафесіяналаў, даведацца пра класічныя і незвычайныя рэцэпты прыгатавання любімай стравы.

У конкурснай праграме свята – спаборніцтва каманд профільных ВНУ і каледжаў, якія займаюцца падрыхтоўкай спецыялістаў у сферы грамадскага харчавання.

Дранiк-fest арганізаваны Цэнтрам гарадскіх ініцыятыў пры падтрымцы Магілёўскага дзяржаўнага ўніверсітэта харчавання. Партнёры праекта: Студэнцкае этнаграфічнае таварыства, грамадская культурніцкая кампанія “Буздьма беларусамi”, і Адміністрацыі Кастрычніцкага раёна г. Магілёва.

Дабрацца да месца правядзення свята можна грамадскім транспартам: аўтобусамі №4, №47, №28, №12, №30 або маршрутнымі таксі №43, №37, №10, №12, №8, №34, №23 (да прыпынку “Зялёны гай” у мікрараёне Спадарожнік). Ад прыпынку трэба прайсці каля 300 метраў у бок Пячэрскага вадасховішча.