У пятніцу, 6 студзеня, у Сопаце — калядны фэст вольных беларусаў MaraChristmas.
Дата: 6 студзеня
Час: 18.30 (час мясцовы)
Месца: Polskа Filharmonija Kameralna, ul. Moniuszki 12, Сопат
І вы ж памятаеце цэнтральную падзею фэсту?
Нашыя анёлы-суцяшальнікі NaviBand граюць у Сопаце калядны канцэрт у суправаджэнні польскага аркестра «Formacja 22».
«У асяроддзі зімовага лесу пад гукі любімых песень мы разам акунемся ў казачную атмасферу каляднага цуду. Далучайцеся да нашай Мары!», — кажуць арганізатары.
А яшчэ будзе:
зона малявання для дзетак у кампаніі цудоўнай мастачкі Яны Каспяровіч;
гарачы глінтвейн і гарбатка;
мінімаркет беларускіх рамеснікаў — і з кніжкамі на роднай мове;
дабрачынны аўкцыён, падчас якога разыграюць падарунак ад фларысткі Ганны Сапон, а таксама квіткі на #MaraFest2023 і іншыя сюрпрызы.
Сродкі з аўкцыёну пойдуць на падтрымку беларускага хостэла Local97 у Сопаце, які дапамагае людзям ў складанай жыццёвай сітуацыі.
Квіткі коштам 70 і 80 злотых набывайце па спасылцы.
