Мастацкае жыццё ў Гародні: ад 80-х да сёння. Творчая сустрэча з Сяргеем Грыневічам у ягонай майстэрні
10 верасня вядомы мастак раскажа, як жыве творчы свет горада знутры і зробіць міні-экскурсію па сваёй майстэрні.
Гэта першае мерапрыемства ў рамках серыі сустрэч, прысвечаных гарадской культуры Гародні.
Як час змяняў гарадзенскія творчыя супольнасці, а супольнасці – гарадскую прастору? Калі няма андэграўнду, то якая сіла прымушае творцаў біцца за важныя каштоўнасці? Як культура і субкультура дапамагаюць ствараць “душу і цела” горада?
Пра гэта пойдзе гаворка падчас творчай сустрэчы, багата дапоўненай архіўнымі, раней невядомымі здымкамі. Напрыканцы ў прысутных будзе ўнікальная магчымасць пабачыць таямніцы майстэрні Сяргея Грыневіча! Чакаем усіх цікаўных 10 верасня ў 18.30 па адрасе: вул. Свярдлова, 2.
