У суботу, 24 верасня, у Нацыянальным цэнтры сучасных мастацтваў круты майстар-клас, натхнёны творчасцю Жана Арпа, мастака, скульптара і паэта.
Дата: 24 верасня
Час: 17.00
Месца: НЦСМ, вул. Някрасава, 3, Мінск
Арп стаіць ля вытокаў не адной плыні ў мастацтве: дадаізм, сюррэалізм, абстракцыянізм. Ён напаўняў свет вакол сябе артам, ствараючы чароўную рэальнасць з самых звыклых рэчаў. Яго галоўная муза — ПРЫРОДА, асноўны прынцып у творчасці — ВЫПАДКОВАСЦЬ, а працы напоўнены абсурднымі вобразамі рэальнасці — АБ’ЕКТАМІ.
Біяморфнае, цякучае, слізгальнае — так можна апісаць мастацтва Жана Арпа.
Прыходзьце разабрацца ў таямніцах ягонай творчасці!
Вас чакае:
лекцыя культуралагіні і мастачкі Каці Чуняк пра Жана Арпа і яго таленты;
майстар-клас: ствараем біяморфныя калажы, натхнёныя працамі мастака.
Кошт квітка — 10 рублёў. І трэба зарэгістравацца вось па гэтай спасылцы.
Майстар-клас ладзяць разам з праектам кафедры культуралогіі БДУ «Культуралогія без межаў» — і для падпісчыкаў праекта ўваход вольны! У такім разе вам патрэбна зарэгістравацца па гэтай спасылцы.
Толькі не пераблытайце спасылкі!
