У суботу, 10 лютага, філіял Веткаўскага музея ў Гомелі ладзіць файны майстар-клас да Дня закаханых!
Дата: 10 лютага
Час: 14.00
Месца: філіял Веткаўскага музея, пл. Леніна, 4А, Гомель
Прапануюць зрабіць абярэг для закаханых. Лялькі «Неразлучнікі» — сімвал шчаслівага сямейнага саюза. У лялек адна рука, якая аб’ядноўвае жаночую і мужчынскую фігуры. Гэта значыць, што ў жыцці яны будуць разам і ў бядзе, і ў радасці, іх сям’я будзе моцная.
Яшчэ лялькі абвязаныя адной ніткай. Каб сям’я была моцная, трэба берагчы тую нітачку, якая аб’ядноўвае каханых, робіць іх роднымі адзін для аднаго.
На майстар-класе вы дазнаецеся больш пра гісторыю гэтага абярэга, а таксама створыце ўласнаруч цудоўны падарунак для каханага/каханай.
А таксама будзе мінілекцыя-размова пра каханне і ролю сям’і ў беларускай народнай традыцыі.
Кошт удзелу — 7 рублёў.
Колькасць месцаў абмежаваная, таму абавязкова запісвайцеся загаддзя па тэлефоне +375(232)509698.
