У суботу, 10 снежня, беларусачак Кракава запрашаюць на майстар-клас па вырабе традыцыйнай беларускай лялькі з тканіны.
Дата: 10 снежня
Час: 18.00 (час мясцовы)
Месца: ul. Krakowska, 19 (2 паверх), Кракаў
Гэта будзе вашае знаёмства з «берагіняй» і «падарожніцай», «траўніцай» і «кувадкай».
Сваімі рукамі пад кіраўніцтвам майстрыні вы створыце сваю ўласную непаўторную ляльку. Яна можа аберагаць ваш дом або адправіцца ў падарожжа да лепшай сяброўкі, знойдзе свой прытулак у заплечніку каханага чалавека ці над калыскай вашага дзіцяці. Вы лепш ведаеце, якая лялька патрэбна менавіта вам. Прыходзьце ствараць і фантазіраваць разам.
Уваход — данат ад 15 злотых.
Рэгіструйцеся па спасылцы.
