У нядзелю, 22 студзеня, у Гданьску — новая сустрэча беларускага моўнага клуба. Гэтым разам размова будзе ў фармаце майстар-класу. І тэма — радавод!
Дата: 22 студзеня
Час: 15.00 (час мясцовы)
Месца: Еўрапейскі цэнтр Салідарнасці, Plac Solidarności, 1 (зала 319), Гданьск
Уласным досведам даследавання каранёў падзеліцца спадар Уладзь, якому ўдалося знайсці дадзеныя аб сваіх продках аж да сярэдзіны 18 стагоддзя — і ён працягвае ісці далей!
Вы даведаецеся:
як пасадзіць ды вырасціць уласнае генеалагічнае дрэва;
дзе і як шукаць інфармацыю аб продках;
ці магчыма займацца гэтай цікавай справай знаходзячыся за мяжой Беларусі (спойлер: «так, усё магчыма»).
Уваход вольны! Прыходзьце самі і з сябрамі!
