Міхаіл Бараноўскі (Мінск). Прэзентацыя зборніка “Volumen.1” у “Цудоўні”
Пачатак: 05.02 (19:00)Канец: 05.02 (19:00)
“Крама Ц”
Прэзентацыя кнігі паэзіі, спевы на вершы з кнігі Міхала Бараноўскага (лідар гурта “Нельга забыць”).
В.Траецкая 14, “Крама Ц”
5 лютага, 19.00
Запрашаем на прэзентацыю дэбютнага зборніка паэзіі Міхала Бараноўскага “Volumen.1”. Аўтар знаёмы многім як лідар гурта “Нельга забыць” – назва пазычаная ў Караткевіча, але і сапраўды, паслухаўшы аднойчы, забыць амаль немагчыма.
Пакуль мы расцем
Карэннем унiз,
А сэрцам цягнемся ўверх,
Яшчэ ёсць шанец застацца жывымi:
Кветкамі па траве.
Яшчэ ёсць шанец застацца жывымі:
Гэта значыць, адчуць, як балiць,
І не забыцца нiколi на тое,
Што нельга нiколi забыць.
У кнізе Міхала – глыбока спавядальныя творы, часта вельмі асабістыя. Аўтар – хутчэй прыхільнік мадэрнісцкай эстэтыкі і стварае шматслойныя, разгалінаваныя вобразы для чытача, спакушанага і ў літаратурных, і ў міфалагічна-біблейскіх алюзіях. Кніга аформленая выдатнай дызайнеркай Ксеніяй Шталенковай.
Далучайцеся да медытатыўных рытмаў паэзіі Міхала Бараноўскага і нырайце ў свет паэтычных вобразаў.
Падчас імпрэзы можна будзе атрымаць аўтограф аўтара, задаць пытанні і канешне паслухаць песні на частку тэкстаў. Будзе моцна.
Падрабязнасці ў суполках https://vk.com/mbaranouskicudounia https://www.facebook.com/events/627505007432603/ і па тэлефоне (33) 6232616 (Андрэй Несцяровіч, этнакрама “Цудоўня”)
Даведка:
Этнакрама «Цудоўня» (Горадня) – рамесныя вырабы ў традыцыйным стылі, падарункі, сувеніры і прадметы побыту.
