13 сакавіка, у пятніцу, тэатр лялек запрашае на монаспектакль «Сіняя-сіняя» паводле аднайменнага апавядання Уладзіміра Караткевіча.
«25-га ліпеня 1880 года. Вялікая паўночная Сахара. Іх засталося толькі двое: маленькая дзяўчынка Джаміля і Пятрок Ясюкевіч, былы паўстанец, былы беларус, былы чалавек. Чалавек без ежы, без вады, без радзімы».
Вас чакае казка пра Радзіму-Рай, гісторыя страты і здабывання, любові і смутку. Прыгожая, паэтычная і шчымлівая.
Рэжысёр — Ігар Казакоў;
Музыка — Аляксандр Літвіноўскі;
Мастачка — Таццяна Нерсісян.
Ролю грае Мікалай Сцешыц.
Спектакль ідзе на беларускай мове.
Квіткі коштам 25 рублёў бярыце ў касе тэатра альбо па спасылцы.