Вясна становіцца моднай, але для пленэраў ды оўпэн-эйраў яшчэ халодна. Каб як след да іх падрыхтавацца, запрашаем у найбліжэйшы панядзелак ва ўтульны ЦЭХ на МУЗЫКУ ПА-БЕЛАРУСКУ! Гіт-парад ці хіт? Біт ці не біт?
У тэорыі вас чакае слоўнік-размоўнік аматараў музыкі, а на практыцы – дыскусія з поп- (і не толькі) зоркамі беларускай сцэны, вечна незадаволенымі і нават задаволенымі крытыкамі ды няўхільнымі прыхільнікамі. Чаму на Еўрабачанні мы дагэтуль не пачулі песні па-беларуску? І наогул, колькі можна думаць пра Еўрабачанне? Якасная музыка на роднай мове – прыдуманы кучкай адмарозкаў міф ці схаваная ў шуфляду нашага няведання рэальнасць?
Гэтыя тэзісы толькі на разагрэў, рэшта – 24 сакавіка а 19-й, на занятках “Мова ці Кава” ў ЦЭХ.
Госьці: Музычны крытык Таццяна Заміроўская і гурт Re1ikt
